Corff Llywodraethol Cenedlaethol sy'n cyflwyno rhagoriaeth, yn ysbrydoli y genedl i fwynhau, cymryd rhan, dysgu a chystadlu mewn dyfroedd Cymreig.

Lleoliad: Pwll Cenedlaethol Cymru, Abertawe

Llysgennad Gala Nofio

Chloe Tutton

Rydw i wedi bod yn nofio ers cyn co’! Dechreuais nofio mewn pwll yn yr haul ar wyliau teuluol.

Nid yw bandiau braich (arm bands) erioed wedi apelio ata i, felly sylweddolodd fy mam (Claire Tutton) mai'r unig ffordd i fy nghadw'n ddiogel oedd dechrau gwersi nofio. Cefais wersi nofio un i un gyda dynes hyfryd o'r enw Michelle Ireland mewn pwll nofio lleol yng Nghanolfan Hamdden Ystrad yng Nghwm Rhondda. Rwyf wedi nofio gyda’r ysgol yn nifer o gystadlaethau'r Urdd a chefais lawer o hwyl yn cymryd rhan. Datblygais yn gyflym, a phan yn ddeuddeg oed, cefais fy sgowtio gan y prif hyfforddwr ar y pryd, David Haller, i nofio gyda Chlwb Nofio Dinas Caerdydd.

Gwnes ffrindiau anhygoel wrth hyfforddi a chefais amser gorau fy mywyd – gan gynnwys cael mynd i’r Gemau Olympaidd yn Rio. Diolch yn fawr i Graham Wardell, Dale Frantzeskou a Dinas Caerdydd – ni faswn wedi cyflawni'r hyn rwyf wedi ei gyflawni heb fy nheulu, fy ffrindiau a'm hyfforddwyr. Ac os ydw i wedi gwireddu fy mreuddwyd trwy fynd i'r Gemau Olympaidd, yna pam na allwch chi!

Pob lwc a chofiwch gael hwyl!

Amserlen